【偷听广州】55

【偷听广州】55


1)“上唔倒啦，靓女，第二架啦。”
“你老婆就第二嫁。”
“系就发达啦！”
——东湖路口巴士站，来了一辆挤满人的35路巴士，车门打开，站在车门口的男乘客对正要挤上车的靓女这样说，靓女认为话中有话，愤然反击，男乘客也没有生气，一笑置之。

2）男：“不如依个月畀多百蚊老妈子啦？”
女：“点解啊？”
男：“又过冬，又过年呢！”
女：“你下个月都唔知有冇工开噃？”
男：“到时先算啦。”
——西门口巴士站，一对夫妻等车时的对话。两个人看上去闷闷不乐，原来为年关闭翳。


3）“你平时中意睇乜嘢电视节目啊？”
“最中意睇《城市凸搜》”
“你认为一个节目主持人，要有边D条件呢？”
“要靓，要识讲嘢，同埋有‘丘袜感’。”
“嗱，你形象唔错，声线响亮，有条件做主持人嘅。不过，你D广州话就要讲番正D先得。譬如：系‘城市特搜’，唔系‘城市凸搜’，仲有，系‘幽默感’，墨水个墨，唔系‘丘袜感’。注意唔好咁多懒音，返去多D练习，唔好灰心，下次嚟过。好唔好？”
——某电视台主持人招聘会面试现场，一位靓女只答了两个问题，面试就结束了。